حاسبة الكمبريسة المناسبة – كم لتر وكم بار بتحتاج؟
🌀 حاسبة الكمبريسة المناسبة
اختار العدد الهوائية اللي بدك تشغلها وكم وحدة بتشتغل مع بعض، والحاسبة بتقلك كم لتر هواء بالدقيقة بتحتاج، وكم حجم الخزان والضغط المناسب، وأي نوع كمبريسة بيناسبك (صامتة بدون زيت، دايركت، قشاط)، مع الكمبريسات المناسبة من عامر شوب.
1شو العدد اللي بدك تشغلها؟
اكبس + على كل عدة، واكتب كم وحدة بتشتغل بنفس الوقت.
2طبيعة الشغل
3النتيجة
الهواء المطلوب0لتر/دقيقة
بالـ CFM0قدم³/دقيقة
حجم الخزان المقترح0لتر
الضغط المطلوب0بار
الكمبريسات المناسبة من عامر شوب
* استهلاك العدد تقديري بالمتوسط على ضغط 6 بار. الكمبريسات اللي عليها علامة ≈ تدفقها تقديري حسب قدرة الماتور. تأكد دائماً من الاستهلاك المكتوب على العدة نفسها.
عندك ورشة كاملة أو مصنع وبدك شبكة هواء؟ ابعتلنا العدد والمساحة وبنعملك عرض متكامل (كمبريسة، مواسير، فلاتر، وصلات).
اطلب عرض سعر ‹كيف تختار الكمبريسة المناسبة؟
أهم رقم بالكمبريسة مش حجم الخزان، هو كمية الهواء اللي بتطلعها باللتر بالدقيقة (أو CFM). اجمع استهلاك العدد اللي بتشتغل مع بعض، واضربه بنسبة الوقت اللي العدة بتشتغل فيه فعلياً، وزيد عليه 40% احتياط للتسريب وفرق التدفق الحقيقي. مثلاً بلف هوائي ½ إنش (120 ل/د × 30%) + نفخ إطارات (80 ل/د × 25%) = 56 ل/د، ومع الاحتياط بتحتاج كمبريسة بتطلع 80 لتر/دقيقة على الأقل.
استهلاك العدد الهوائية التقريبي
| العدة | الاستهلاك (لتر/دقيقة) | نوع الشغل |
|---|---|---|
| فرد دبابيس / بنز | 40–80 | متقطع |
| نفخ إطارات | 60–100 | متقطع |
| بلف هوائي ½ إنش | 110–150 | متقطع |
| فرد دهان عادي | 150–200 | متواصل |
| جلخ هوائي | 150–250 | متواصل |
| فرد دهان سيارات HVLP | 250–350 | متواصل |
| صنفرة هوائية | 250–350 | متواصل |
| مسدس رمل | 300–600 | متواصل |
الفرق بين أنواع الكمبريسات
| النوع | المميزات | بتناسب |
|---|---|---|
| صامتة بدون زيت | صوت منخفض، هواء نظيف، بدون صيانة زيت | الدهان، البيوت، عيادات الأسنان، المحلات |
| دايركت (زيت) | سعر أقل، خفيفة الوزن | الاستعمال الخفيف والمتوسط |
| قشاط (سير) | دوران أبطأ، حرارة أقل، عمر أطول | الكراجات والبناشر والورش اليومية |
أسئلة شائعة
كم لتر كمبريسة بحتاج لفرد الدهان؟
لفرد الدهان العادي كمبريسة 50 لتر بتطلع 200–250 لتر/دقيقة بتكفي. لدهان السيارات بفرد HVLP بتحتاج 100 لتر وطالع بتدفق 300 لتر/دقيقة أو أكثر، مع فلتر مي وزيت.
شو الأهم: حجم الخزان ولا قدرة الكمبريسة؟
القدرة وكمية الهواء أهم. الخزان بس بيخزّن الهواء، فخزان كبير على كمبريسة ضعيفة رح يخلص بسرعة ويضل يعبي. الخزان الكبير مهم للعدد اللي بتشتغل بشكل متواصل.
شو يعني CFM؟
CFM يعني قدم مكعب بالدقيقة، و1 CFM بيساوي حوالي 28.3 لتر بالدقيقة.
كم بار بحتاج؟
أغلب العدد الهوائية بتشتغل على 6–6.5 بار، فكمبريسة 8 بار بتكفي. نفخ إطارات الشاحنات والبلفات الكبيرة بدها 10 بار أو أكثر.