حاسبة المولد المناسب
⚡ حاسبة المولد المناسب
اختار الأجهزة اللي بدك تشغلها وعددها، وحدد كم ساعة بتشغّل باليوم. الحاسبة بتحسبلك القدرة اللازمة بالكيلوواط، وبتنصحك بمولد بنزين أو ديزل أو طاقة شمسية، وبتعرضلك المولدات المناسبة من عامر شوب.
1اختار الأجهزة اللي بدك تشغلها مع بعض
#الجهازالقدرة (واط)العدد
💡 القدرة مكتوبة على ملصق الجهاز (W أو واط). الأجهزة اللي فيها ماتور (ثلاجة، مكيف، مضخة، كمبريصة) بتسحب عند التشغيل 2 لـ 3 أضعاف قدرتها، والحاسبة بتحسبها تلقائياً. إذا جهازك مش بالقائمة اختار «جهاز آخر» واكتب اسمه وقدرته.
2كيف بدك تستخدم المولد؟
3النتيجة
الحمل التشغيلي0واط
ذروة التشغيل (بداية الماتورات)0واط
المولد المطلوب على الأقل0كيلوواط
الاستهلاك اليومي0كيلوواط.ساعة
المولدات المناسبة من عامر شوب
* الأرقام تقديرية للإرشاد. للمشاريع والمصانع والعطاءات اطلب عرض سعر وفريقنا بيحسبلك الحمل بالتفصيل.
محتار أو حملك كبير (مصنع، مزرعة، عمارة)؟ ابعتلنا قائمة الأجهزة وبنرشحلك المولد أو نظام الطاقة الشمسية المناسب.
اطلب عرض سعر ‹كيف تحسب قدرة المولد اللي بتحتاجه؟
اجمع قدرة كل الأجهزة اللي رح تشتغل بنفس الوقت بالواط، وزيد عليها 25% احتياط. الأجهزة اللي فيها ماتور زي الثلاجة والمكيف والمضخة والكمبريصة بتسحب لحظة التشغيل من 2 لـ 3 أضعاف قدرتها العادية، فلازم المولد يتحمل هاي الذروة. مثلاً: ثلاجة 150 واط + 6 لمبات ليد 60 واط + تلفزيون 120 واط + مضخة مي 1 حصان 750 واط، الحمل التشغيلي 1,080 واط، والذروة لحظة تشغيل المضخة حوالي 2,580 واط، فبتحتاج مولد 3 كيلوواط على الأقل.
مولد بنزين ولا ديزل ولا طاقة شمسية؟
| النوع | بيناسب | الميزة | العيب |
|---|---|---|---|
| بنزين | الطوارئ، الاستخدام المتقطع، المواقع الصغيرة، لحد 8–9 كيلوواط | سعر شراء أقل، خفيف، صيانة سهلة | مصروف أعلى وعمر أقل بالتشغيل الطويل |
| بنزين انفيرتر | الأجهزة الحساسة، الرحلات، الكمبيوترات | كهرباء نظيفة، صوت أهدى، توفير بالبنزين | أغلى من البنزين العادي بنفس القدرة |
| ديزل | تشغيل يومي 8 ساعات وأكثر، المزارع، المحلات، 3 فاز، الأحمال الكبيرة | مصروف أقل، عمر ماتور أطول، موديلات صامتة مع ATS | سعر شراء أعلى ووزن أكبر |
| طاقة شمسية | الأحمال الخفيفة، الإنارة، الراوتر، الرحلات | بدون وقود ولا صوت ولا صيانة تقريباً | محدودة بسعة البطارية وحالة الشمس |
أسئلة شائعة
كم كيلوواط بحتاج مولد للبيت؟
لتشغيل الإنارة والثلاجة والتلفزيون والراوتر ومضخة المي بيكفي مولد 3–3.5 كيلوواط. إذا بدك تشغّل مكيف 1.5 طن أو سخان كهرباء معهم بتحتاج 5.5–6.5 كيلوواط، ولتشغيل البيت كامل مع أكثر من مكيف بتحتاج 8 كيلوواط وأكثر.
شو يعني مولد انفيرتر؟
مولد بيحوّل الكهرباء إلكترونياً فبتطلع موجة نقية وثابتة، آمنة على الكمبيوترات والتلفزيونات والأجهزة الإلكترونية، وبيخفف سرعة الماتور حسب الحمل فبيوفر بنزين وصوته أهدى.
شو يعني ATS بالمولد؟
لوحة تحويل أوتوماتيكي: لما تنقطع كهرباء الشبكة المولد بيشتغل لحاله وبيحوّل البيت عليه، ولما ترجع الكهرباء بيرجع يحوّل وبيطفي.
كم لتر بيصرف المولد بالساعة؟
تقريباً مولد البنزين بيصرف 0.4–0.5 لتر لكل كيلوواط.ساعة، والديزل حوالي 0.3 لتر لكل كيلوواط.ساعة. يعني مولد بنزين شغّال على حمل 2 كيلوواط بيصرف تقريباً لتر بالساعة.