حاسبة المضخة المناسبة – كم حصان بتحتاج مضخة المي؟
💧 حاسبة المضخة المناسبة
اختار شو بدك تعمل بالمضخة، واكتب ارتفاع البناية وطول المواسير وكمية المي. الحاسبة بتحسبلك ارتفاع الرفع الكلي وكمية الضخ، وبتقلك كم حصان بتحتاج وأي نوع مضخة بيناسبك (فراشة رفيع، فراشة عريض، جت، غاطس، آبار، بنزين)، وبتعرضلك المضخات المناسبة من عامر شوب.
1شو بدك تعمل بالمضخة؟
2المعلومات
الحاسبة بتزيد 2 متر لقاعدة الخزان على السطح.
المسافة من سطح المي لحد المضخة. إذا الخزان فوق المضخة اكتب 0.
مثلاً ارتفاع الخزان أو الشارع اللي بتصرّف عليه.
اكتب بس الطول الأفقي، والعمودي بنحسبه تلقائياً من عدد الطوابق أو عمق البئر.
3النتيجة
ارتفاع الرفع الكلي0متر
كمية الضخ0لتر/دقيقة
قدرة المضخة المطلوبة0حصان
ضياع الاحتكاك بالمواسير0متر
المضخات المناسبة من عامر شوب
* الأرقام تقديرية للإرشاد ومحسوبة لمواسير PPR/PVC بحالة جيدة. للمشاريع الزراعية والأبراج والمصانع اطلب عرض سعر وفريقنا بيحسبلك بالتفصيل.
مشروعك كبير (برج، مزرعة، مصنع، شبكة ري)؟ ابعتلنا التفاصيل وبنرشحلك المضخة ولوحة التحكم المناسبة.
اطلب عرض سعر ‹كيف تحسب قدرة مضخة المي؟
المضخة بتنحسب برقمين: ارتفاع الرفع الكلي بالمتر وكمية الضخ باللتر بالدقيقة. ارتفاع الرفع الكلي = الارتفاع من سطح المي لحد أعلى نقطة (كل طابق تقريباً 3 متر) + ضياع الاحتكاك بالمواسير والأكواع + الضغط المطلوب عند الحنفية. مثلاً بناية 4 طوابق: 4 × 3 + 2 متر قاعدة الخزان + 2 متر عمق السحب = 16 متر رفع ثابت، ومع 30 متر ماسورة 1 إنش لتعبئة 2 كوب بالساعة بيصير الاحتكاك حوالي 2.5 متر، ومع 2 متر ضغط عند الخروج بتحتاج مضخة بترفع 21 متر على الأقل بكمية 33 لتر/دقيقة، يعني مضخة 0.5 حصان فراشة رفيع بتكفي.
أنواع مضخات المي وإيمتى تستخدم كل نوع
| النوع | بيناسب | الرفع والكمية |
|---|---|---|
| فراشة رفيع | رفع المي للأسطح والبنايات العالية | رفع عالي 30–60 متر، كمية 30–60 لتر/د |
| فراشة عريض | تعبئة خزانات بسرعة، ري، ارتفاعات متوسطة | رفع لحد 30 متر، كمية 80–200 لتر/د |
| جت | سحب من عمق 6–8 متر، آبار جمع ضحلة | سحب قوي، رفع 40–55 متر |
| مضخة مع ايزي برس | تقوية ضغط المي بالبيت والسخانات | بتشتغل وبتطفي لحالها حسب فتح الحنفية |
| غاطس مي نظيفة | نشل آبار الجمع والتسويات المغمورة والمسابح | كمية عالية، رفع 8–35 متر |
| غاطس آبار 4 إنش | الآبار الارتوازية العميقة | رفع 60–150 متر وأكثر |
| غاطس مجاري / فرامة | الحفر الامتصاصية والمياه العادمة | فتحة واسعة وبتقطع الشوائب |
| بنزين / ديزل | المزارع والمواقع بدون كهرباء | 2–3 إنش، كمية 500–1000 لتر/د |
أسئلة شائعة
كم حصان بحتاج مضخة لبناية 4 طوابق؟
بالعادة مضخة 0.5 حصان فراشة رفيع بترفع 30–35 متر وبتكفي بناية لحد 5–6 طوابق إذا الكمية متوسطة. إذا بدك تعبي أكثر من 3 كوب بالساعة أو المواسير طويلة، خذ 1 حصان.
شو الفرق بين الفراشة الرفيع والفراشة العريض؟
الفراشة الرفيع بترفع لارتفاع عالي بكمية مي أقل، والفراشة العريض بتعطي كمية مي أكبر بس لارتفاع أقل. للأسطح العالية خذ رفيع، ولتعبئة الخزانات القريبة والري خذ عريض.
كم متر بتسحب المضخة السطحية؟
المضخة السطحية نظرياً بتسحب لحد 8 متر، وعملياً 6–7 متر. إذا المي أعمق من هيك لازم مضخة غاطسة جوا البئر أو الخزان.
شو فايدة الايزي برس؟
الايزي برس مفتاح أوتوماتيكي بيشغّل المضخة لما تفتح أي حنفية وبيطفيها لما تسكّر، وبيحميها من التشغيل بدون مي. مناسب لتقوية ضغط المي بالبيوت والسخانات الشمسية.